Mam EMRE ERKUS vermellt den FC Victoria e weideren Neizougang fir déi nächst Saison.
Den 19 Joer jonke Lëtzebuerger ass am defensive Beräich villsäiteg asetzbar.
An de leschte Joren huet hien an der Jugend vun Eintracht Tréier gespillt, do virdru war hie beim F91 Diddeleng aktiv.
Den Emre geet lo seng éischt Experienz am Seniorsberäich un a wëll sech zu Rouspert an der héchster Lëtzebuerger Spillklass beweisen.
Welcome Emre ! 🔴👍🔴
Mam SENNE VITS huet sech den FC Victoria fir déi nei Saison op der Goalkeeperpositioun verstäerkt. De 24 Joer ale Belsch huet des Spillzäit beim RCS Brainois verbruet. De Senne war bis bei d‘U21 a sämtleche belsche Jugendnationalkaderen dobäi. An der Jugend gouf hie bei OH Louvain a beim Standard Léck, wou hien och am Kader vun der Profisequipe war, ausgebild. Donieft huet hien a senger Carrière schonns den Trikot vum MVV Maastricht (NL) a Lierse gedroen.
E weidere Neizougang beim FC Victoria ass de JOHANN DE DONCKER. Hien huet 23 Joer an ass op den offensiven Aussepositiounen doheem. De Johann ass beim belsche Rekordchampion RSC Anderlecht ausgebild ginn. An der aktueller Saison huet hie bei Olympia SC Wijgmaal gespillt. Weider Statioune vun him an der Belsch waren Ostende a Courtrai.
Fir d’Offensiv wiesselt den EMMANUEL ILUNGA CARDOSO op Rouspert. Hien huet 23 Joer an huet des Saison an der Belsch bei Royale Entente Durbuy gespillt. Den Emmanuel ass am Stuermzentrum doheem a wëll lo d’Erausfuerderung BGL Ligue ugoen.
Welcome Senne, Johann & Emmanuel ! 🔴👍🔴
Mam TIM SCHILZ kënnt fir déi nächst Saison e neie Goalkeeper bei den FC Victoria.
Den Tim huet 18 Joer an huet bis an d‘Cadets all Jugendkategorien beim FC Victoria duerchlaf.
Virun zwee Joer ass hien dunn bei de Nopeschveräin SG Sauertal gewiesselt a kënnt lo nees op Rouspert zréck fir d’Erausfuerderung BGL Ligue unzegoen.
Welcome Tim !
Als Neizougang fir d’Saison 2021/2022 presentéieren mir Eech haut den BRIAN MODING (Foto lénks). Den 28-järege Belsch, den des Saison beim KFC Diest gespillt huet, ass am zentralen an offensive Mëttelfeld doheem. Weider Statiounen vun him waren e.a. den RWD Molenbeek, Dender a bei der Jugend de Sporting Charleroi. Welcome Brian !
E weideren Neizougang fir déi nächst Saison ass den NELSON RIBEIRO (Foto riets). Hien huet 20 Joer a seng Positioun ass Lénksverteideger. De Nelson huet bis lo seng ganz Carrière bei der Etzella Ettelbréck gespillt an war an der Réckronn vun der aktueller Saison bei de Sporting Mäerzeg ausgeléint. Welcome Nelson !
Le FC Victoria Rosport a rempli tous les critères obligatoires de la procédure de licence UEFA pour la saison 2021/2022.
Par conséquent, il reste à publier les informations financières suivantes.
Download Fichier:
Rosport, le 24 avril 2021
Le Conseil d'Administration du FC Victoria Rosport